Netöryggiskeppni Íslands · 2027
Lærðu að hakka
Gagnaglíman er árleg netöryggiskeppni fyrir forvitna, staðfasta og skapandi einstaklinga sem vilja byggja upp hagnýta tæknifærni.
Fyrir forvitið fólk
Þú þarft ekki fyrri reynslu. Forvitni, þolinmæði og áhugi duga til að byrja.
Raunhæfar þrautir
Verkefnin eru fjölbreytt og snerta veföryggi, dulkóðun, greiningu gagna og margt fleira.
Leið í landsliðið
Sterk frammistaða getur opnað leið inn í keppnishóp Íslands fyrir ECSC.
Framkvæmd keppninnar
Frá fyrstu þrautum í Hakkaraskólanum yfir í æfingar og loks Netöryggiskeppni Evrópu.
Hakkaraskólinn
FramundanHakkaraskólinn er opinn öllum!
Þeim þátttakendum sem ná 1.000 stigum og eru 25 ára eða yngri verður boðið að taka þátt í landskeppninni.
Landskeppni
FramundanÍ landskeppninni mæta keppendur á staðinn og leysa fjölbreyttar netöryggisþrautir í gagnaglímuformi á afmörkuðum tíma og safna stigum fyrir leyst verkefni. Frammistaða í keppninni er lögð til grundvallar við val á keppnishópi Íslands fyrir ECSC.
Nánari dagsetning og staðsetning verða auglýstar síðar.
Æfingar keppnishóps
FramundanReglulegar æfingar verða haldnar fyrir keppnishópinn.
Netöryggiskeppni Evrópu (ECSC)
FramundanÞjálfarar velja 10 einstaklinga úr keppnishópnum til að taka þátt fyrir Íslands hönd. Lið frá rúmlega 30 Evrópulöndum etja kappi í Netöryggiskeppni Evrópu.
Hvernig virka gagnaglímur?
Þú leysir fjölbreyttar netöryggisþrautir og færð stig fyrir hvert leyst dæmi. Gott er að byrja á því sem vekur áhuga þinn og prófa sig svo áfram.
Hvers konar verkefni?
-
Veföryggi
Finndu glufur í því hvernig vefur verndar aðgang og upplýsingar.
-
Dulkóðun
Ráðu leyniskilaboð og finndu veikleika í dulkóðuninni.
-
Greining gagna
Leitaðu að vísbendingum í skrám, myndum og netumferð.
-
Bakhönnun
Finndu út hvernig forrit virkar án þess að hafa upprunalega kóðann.
-
Veikleikar í forritum
Finndu forritunarvillur sem fá forrit til að gera eitthvað óvænt.
Gagnaglíman er á vegum Gagnaglímufélags Íslands og er undankeppni fyrir Netöryggiskeppni Evrópu.
Svipmyndir úr fyrri keppnum
